سياسة الخصوصية — Kotshy Coach
آخر تحديث: 4 نوفمبر 2026
باختصار
- مفيش حسابات، ولا سيرفرات، ولا إعلانات، ولا أدوات تتبّع أو إحصائيات.
- كل بياناتك (البروفايل، الخطة، الوزن، الصور، سجل الأكل والتمارين، الشات) متخزنة على موبايلك بس.
- مفتاح OpenAI بتاعك متخزن في الـ Keychain بتاع الآيفون، ومحدش غيرك يقدر يوصله.
البيانات اللي بتتبعت برّه الموبايل
لو حطيت مفتاح OpenAI بتاعك ووافقت جوّه التطبيق على مشاركة البيانات، وبعدين استخدمت ميزة ذكاء اصطناعي (عمل خطة، الشات، تصوير جهاز، قراية InBody، مراجعة المتابعة)، التطبيق بيبعت مباشرة لـ OpenAI البيانات اللازمة للطلب ده بس:
- بيانات البروفايل: السن، النوع، الطول، الوزن، الهدف، مستوى النشاط، الإصابات، تفضيلات الأكل.
- الخطة الحالية وسجل الوزن والأكل والأوزان في التمارين.
- رسايل الشات، والصور اللي إنت بتختار تبعتها.
الطلبات بتروح بمفتاحك إنت مباشرة لـ OpenAI ومش بتعدّي على أي سيرفر تاني. OpenAI بتتعامل مع البيانات دي حسب سياسة الخصوصية بتاعتها وشروط استخدام الـ API. لو مش عايز تبعت بيانات، استخدم التطبيق من غير مفتاح؛ الخطة الجاهزة وكل المميزات الأوفلاين بتشتغل عادي.
صلاحيات الآيفون
- الكاميرا والصور: عشان تصوّر جهاز أو ورقة InBody أو صور التقدم. الصور بتتحفظ جوّه التطبيق، ومش بتتبعت إلا لو إنت استخدمت ميزة AI عليها.
التحكم في بياناتك
- تقدر تلغي الموافقة على المشاركة مع OpenAI من الإعدادات في أي وقت.
- "امسح كل حاجة" في الإعدادات بيمسح كل البيانات والصور من الموبايل. ومسح التطبيق بيمسحها كمان.
تنبيه صحي
التطبيق للمعلومات واللياقة العامة، ومش بديل عن دكتور أو أخصائي تغذية. استشير دكتور قبل أي نظام لو عندك حالة صحية.
تواصل
bluemars08@gmail.com
Summary in English
Kotshy Coach has no accounts, servers, ads, analytics or tracking. All data stays on your device; your OpenAI API key is stored in the iOS Keychain. Only if you add your own OpenAI key, give in-app consent, and use an AI feature, the app sends the data needed for that request (profile, plan, logs, chat messages and the photos you choose) directly to OpenAI under your key, subject to OpenAI's privacy policy. You can withdraw consent in Settings or delete all data at any time. Camera/photo access is only used for photos you take or pick. Not medical advice. Contact: bluemars08@gmail.com